Greqi – Projekt-ligji i ri parashikon 3 licenca të reja për kazino në Kretë, Santorini dhe Mykonos
Qeveria greke po planifikon liberalizmin e sektorit të lojërave në vend me qëllim lejimin e krijimit të kazinove në destinacionet turistike më të njohura në vend, siç janë ishulli i Kretës, Santorini dhe Mykonos.
Tre licenca të reja janë përfshirë në një projekt-ligj të paraqitur në Parlament, ndërsa gjashtë kazino të tjera do të lejohen të zhvendosen. Kjo vlen kryesisht për kazinonë më të madhe në Athinë.
Nëse aprovohet, projektligji do të lejonte gjithashtu zhvendosjen e kazinove në Selanik, Loutraki, Rio, Alexandroupolis dhe në Florina. Raporti që shoqëron projektligjin, thekson se qëllimi është përmirësimi i lidhjes së sektorit të lojërave me turizmit, vendosja e një koeficienti të unifikuar për aksionin e shtetit në koncesione të tilla për të promovuar modelin “resort kazinoje.”
Projektligji do të votohet në Parlamentin grek para Krishtlindjeve dhe pritet të hyjë në fuqi më 1 Janar 2020. Komisionit të Lojërave i jepet një juridiksion më i madh, duke marrë një rol vendimtar në licencimin dhe rregullimin e kazinove në vend.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.