Greqi/ Të rinjtë nën 26 vjeç do të përfitojnë 150 euro nëse vaksinohen kundër COVID-19

Greqia do t’u ofrojë të rinjve dhe adoleshentëve 150 euro kupona nëse bëjnë një vaksinë COVID-19, ka njoftuar kryeministri i vendit. Qytetarët grekë nën moshën 26 vjeç do të kenë të drejtë të aplikojnë për kredi dixhitale – e quajtur “karta e lirisë” – pasi të marrin dozën e tyre të parë të një vaksine nga data 15 korrik.

Masa synon të luftojë rritjen e infeksioneve në të gjithë Europën e variantit shumë ngjitës delta të koronavirusit. Kryeministri Kyriakos Mitsotakis ka thënë se ai shpreson se “të rinjtë do të përfitojnë nga kjo mundësi”.

“Gjatë gjithë kësaj kohe qeveria ka mbështetur sistemin shëndetësor publik, bizneset dhe qytetarët me një program me vlerë rreth 40 miliardë euro,” tha Mitsotakis në një fjalim televiziv të hënën. “Ka ardhur koha që qeveria t’u japë stimuj atyre që kanë vuajtur më shumë,” shtoi ai. “Shteti ju falënderon për veprimet me përgjegjësi dhe bërjen e diçkaje që jam i sigurt se do të kishit bërë gjithsesi”.

Greqia po fillon politikën e saj të hyrjes në dy nivele për vaksinat e verës, ndërsa kërkon të rihap ekonominë e saj. Kyriakos Pierrakakis, ministri për politikën dixhitale, tha se skema e portofolit dixhital do të përqendrohet në industrinë e turizmit dhe argëtimit.

“Kjo kartë nuk do të pranohet kudo. Ajo do të synohet për aktivitete specifike,” tha Pierrakakis. 150 euro mund të përdoren për bileta ajrore, tragete dhe hekurudhash, qira makinash, kampe, strehim [për pushime] dhe shërbime të tjera udhëtimesh, shtoi ai.

Ai gjithashtu do të jetë i vlefshëm për kinematë, teatrot, shfaqjet muzikore, muzetë dhe vendet arkeologjike. Sipas vlerësimeve të qeverisë, rreth 35% e popullsisë së Greqisë do të jenë vaksinuar plotësisht deri në fund të Qershorit, dhe pritet të rritet në 48% në fund të Korrikut.

Deri në 100,000 njerëz janë duke marrë dozat e tyre të vaksinimit çdo ditë në vend, por zyrtarët shëndetësorë kanë shprehur shqetësim në lidhje me hezitimin e vaksinës në grupe të caktuara të moshës.

Qeveria e Greqisë thotë se liritë shtesë do t’u jepen mbajtësve të certifikatave të vaksinimit, por detajet e politikës nuk janë përfunduar. Autoritetet gjithashtu thonë se po shqyrtojnë opsionet ligjore për ta bërë vaksinimin të detyrueshëm për kategori të ndryshme të punësimit, përfshirë stafin e shtëpive të të moshuarve. (EN)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.