Greqia do të heqë tatimin e diskutueshëm të verës

Qeveria greke synon të përjashtojë nga projekt-buxheti i vitit të ardhshëm të ardhurat nga akciza mbi verën, që u prezantua në vitin 2016.

Tatimi u pranua fillimisht nga tregu grek i verës me dyshim, pasi ai mund të shkaktonte dëmtime në prodhimin e verës së Greqisë, shkruan Kathimerini.

“Tatimi i veçantë i konsumit” siç është quajtur, shton 0.15 euro ($ 0.17) për koston e një shishe 750ml të verës ose  0.20 euro ($ 0.23) për një shishe me 1 litër.

Federata Greke e Verës së bashku me Organizatën Kombëtare Profesionale të Rrushit dhe shoqata të tjera sfiduan ligjërisht këtë taksë dhe fituan rastin, pasi Këshilli i Shtetit të Greqisë tani ka thënë se zbatimi i tij është jokushtetues.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.