Greqia jo vetëm destinacion veror – Ja atraksionet që ofron për pjesën tjetër të vitit
E ndërsa gjatë muajve të verës mijëra pushues i drejtohen Greqisë, me siguri janë të paktë ata që do ta konsideronin një udhëtim në dimër. Temperaturat e ngrohta dhe njerëzit e paktë gjatë dimrit, e bëjnë vizitën e vendeve të lashta një kënaqësi më vete dhe rrugët më të rehatshme për të ecur.
Të etur për të demonstruar se Greqia është një destinacion i hapur për bizneset edhen përtej sezonit veror, qeveria e ka vënë fokusin tek promovimet e destinacioneve dimërore.Ministrja greke e Turizmit, Elena Kountura, ka shpjeguar se si Greqia po harton një propozim të përshtatshëm edhe për pushime ‘jashtë sezonit.’
Pse duhet vizituar Greqia edhe gjatë muajve të tjerë të vitit, përtej sezonit veror?
Greqia është shumë e respektuar për kulturën dhe historinë e saj, si vendlindja e demokracisë, Lojërave Olimpike, arteve dhe shkencave si dhe e filozofëve të mëdhenj që kanë formuar mendimin perëndimor.
“Kemi 18 vende të Trashëgimisë Botërore të UNESCO-s, monumente arkeologjike dhe qindra muze në të gjithë Greqinë. Në kontinentin tonë të ndryshëm të maleve, lumenjve, liqeneve dhe pyjeve, udhëtarët mund të shijojnë natyrën dhe aktivitetet në natyrë. Ka vetëm disa vende në botë ku mund të bëni ski në një mal dghe brend në më pas se gjysmë ore të gjendeni diku në breg të detit”, thotë ministrja Kountura.
Pra, ku duhet të shkojnë njerëzit? Ka pafund vende që Greqia ofron për turistët edhe gjatë muajve të dimrit.
“Ne promovojmë të gjitha destinancionet në Thrakë, Epi, Thesali, Greqinë Qendrore, Peloponezin, Greqinë Perëndimore dhe sigurisht ishujt tanë të mirënjohur në Egje, Jon dhe Kretë. Ata janë lehtësisht të arritshëm nga ajri dhe kanë një atmosferë shumë autentike në dimër”, shton më tej ministrja teksa liston edhe pikat kyçe turistike që mund të vizitojnë udhëtarët gjatë dimrit.
Ndërkohë, Selaniku po bëhet gjithnjë e më popullor për turistët.
“Athina dhe Selaniku janë gjithnjë e më popullor për pushuesit si destinacione të shkurtra në dimër për turne kulturore, festivale, pazarin, ushqimet e shkëlqyera dhe lundrimin në ishujt e afërt”, shton ndër të tjera ministrja.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.