Greqia me karantinë kombëtare. Rritje e madhe e rasteve. Mitsotakis: Të ndërhyjmë tani që është herët
Greqia ka urdhëruar një karantinë kombëtare për 3 javë, që të ndalojë përhapjen e koronavirusit. “Kam vendosur të ndërmarr masa drastike tani që është herët”- tha Kryeministri Kyriakos Mitsotakis. Nën kufizimet e reja që do të bëhen efektive nga e Shtuna, bizneset me pakicë do të mbyllen me prëjashtim të supermarketeve dhe farmacive. Qytetarët do të duhet të kenë një leje me afat kohor për të dalë nga shtëpia. Shkollat fillore do të qëndrojnë të hapura, por ato të mesme dhe universitetet do të mbyllen. Vendi ka raportuar më pak raste krahasuar me homologët europianë, kryesisht për shkak të karantinës së hershme kur pandemia goditi në Shkurt. Masat nisën të hiqen gradualisht në muajin Maj. Qe prej Tetorit ka patur një rritje të infeksioneve dhe vendi ka rivendosur masa të kufizimeve. Rikthimi i virusit ka qenë “agresiv”, tha Sotiris Tsiodras, këshilluesi kryesor mjekësor i qeverisë. Greqia regjistroi 2,646 infeksionet të reja në 24 orët e fundit, që është numri më i lartë ditor, duke e çuar totalin në 46,892. Deri më tani, 673 njerëz kanë vdekur si pasojë e virusit në Greqi.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.