Greqia përballet me ardhjen masive të anijeve me emigrantë pas 3 vitesh

Mbi një duzinë varkash migruese u ulën në ishullin Lesbos të Greqisë brenda disa minutave nga njëri-tjetri, duke bërë kështu ardhjen e parë masive nga Turqia pas tre vitesh.

Në vitin 2015, në kulmin e krizës së emigrantëve në Europë, mijëra njerëz po mbërrinin në brigjet Greke çdo ditë.

Numrat ranë ndjeshëm pasi Bashkimi Europian dhe Ankaraja zbatuan një marrëveshje në Mars 2016 për të ndërprerë rrjedhën.

Gjashtëmbëdhjetë varka që transportonin rreth 650 njerëz arritën në Lesbos të enjten, 13 prej tyre brenda një ore, sipas policisë dhe agjencisë së refugjatëve të Kombeve të Bashkuara.

“Na befasoi. Ne nuk e kemi parë këtë lloj të mbërritjeve të njëkohshme në këtë numër që nga viti 2016, “tha Boris Cheshirkov, zëdhënës i UNHCR në Greqi.

Ministri i Jashtëm Nikos Dendias thirri ambasadorin turk të Premten për të “shprehur pakënaqësinë e thellë të Greqisë” me rritjen e flukseve nga Turqia, thanë burimet diplomatike.

Turqia ishte “e përkushtuar” për marrëveshjen BE-Turqi dhe se politika e saj nuk kishte ndryshuar, thanë burimet.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.