Greqia preket nga zjarri më i madh për ketë vit – 180 zjarrfikës, 17 aeroplanë dhe 3 helikopterë përfshihen në operacionin e shuarjes
Të paktën gjashtë fshatra Greke dhe dy manastire janë evakuuar në mbrëmje për shkak të një zjarri të madh pyjor në bregdetin e Gjirit të Korintit, rreth 90 km në perëndim të Athinës, thanë zyrtarët.
“Zjarri është duke vijuar në një front të gjerë afër fshatit Skinos, i tha AFP një zëdhënës i brigadës së zjarrfikësve. Sipas mediave greke, disa shtëpi u dëmtuan por asnjë viktimë nuk është raportuar.
Rreth 180 zjarrfikës, të mbështetur nga 17 aeroplanë dhe tre helikopterë, janë të përfshirë në operacionet e shuarjes, njoftoi brigada greke e zjarrit.
“Ky është zjarri i parë i madh i 2021, fshatrat janë evakuuar si një masë paraprake,” tha Zëdhënësi i shërbimit të zjarrit Vassilis Vathrakogiannis për Skai TV. Tymi i zi nga zjarri ishte i dukshëm edhe nga kryeqyteti.
Zona e zjarrit, e vendosur në pjesën veriore të Korintit, përmban shumë shtëpi të dyta, por nuk ka jetë njerëzish në rrezik të menjëhershëm, thanë zyrtarët e zjarrit.
Sidoqoftë, elektriciteti u ndërpre në zonë dhe mund të mos rikthehet për 48 orë, sipas teknikëve në vendngjarje.
Greqia është rrënuar nga zjarret e dhunshme të pyjeve çdo verë, të nxitura nga thatësira, erërat e forta dhe temperaturat që shpesh tejkalojnë 30 gradë.
Gushtin e kaluar, vendi arkeologjik i Mikenës, një nga vendet më imponuese në parahistorinë Greke, u prek nga një zjarr në pyll por nuk pësoi dëme të mëdha.
Dy vjet më parë, më 23 korrik 2018, një zjarr i pashembullt në vendpushimin bregdetar të Matit, më vdekjeprurësi në Greqi në dekadat e fundit, vrau 102 njerëz dhe djegur shumicën e shtëpive në këtë qytet rreth 30 kilometra në veri-lindje të Athinës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.