Greqia rrezikon të mos marrë paratë e eurozonës pasi reformat janë vonuar
Greqia rrezikon të mos marrë rreth 750 milionë euro muajin e ardhshëm që fitoi nga një marrëveshje për lehtësimin e borxhit me Eurozonën vitin e kaluar. Greqia nuk ka përfunduar reformat e dakorduara, thanë zyrtarët e Eurozonës.
Paratë janë pjesë e rreth 4.8 miliardë euro fitimesh nga obligacionet greke të mbajtura nga bankat qendrore të Eurozonës, që do të kthehen në Athinë deri në mes të 2022 në këstet gjysmëvjetore dhe një heqje dorë nga rritja e marzhit të normës së interesit në një pjesë të kredive të eurozonës, shkruan Reuters.
Së bashku, të dy masat arrijnë deri në 750 milionë çdo gjashtë muaj. Paratë u krijuan si një nxitje për Athinën që të vazhdojë me reformat e fituara me vështirësi të miratuara nën tre paketat e shpëtimit që nga viti 2010, me vlerë më shumë se 280 miliardë euro në total.
Komisioni Europian do të lëshojë një raport më 27 shkurt, duke saktësuar përparimin grek në zbatimin e reformave të dakorduara. Përfundimi i këtij raporti do të jetë kyç për ministrat e financave të eurozonës për të vendosur nëse do të lejojnë disbursimin.
“Raporti ka të ngjarë të thotë se Greqia nuk ka përfunduar reformat e dakorduara,” tha një zyrtar i euozonës.
“Ministrat e financave të Eurozonës, të cilët takohen për të diskutuar çështjen më 11 mars, nuk do të lejojnë disbursimin nëse Athina nuk i përfundon veprimet midis 27 dhe 11 mars”, tha zyrtari.
Ka 16 reforma të ndryshme në faza të ndryshme të përfundimit, por ato kryesore, thanë zyrtarët, ishin të lidhura me pastrimin e borxheve të qeverisë, daljen nga sistemi i kujdesit shëndetësor parësor dhe prokurimi i centralizuar për kujdesin shëndetësor, si dhe kuadri ligjor për mos – zgjidhjen e kredisë, sidomos ligji për falimentimin në familje.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.