Greqia tejkalon objektivat – Suficit prej 3.05 miliardë eurosh për shtatë muajt e parë të vitit
Qeveria greke arriti një suficit buxhetor primar prej 3.05 miliard eurosh në shtatë muajt e parë të vitit 2017, duke mposhtur kështu objektivin e saj me 955 milionë eurove falë shpenzimeve më të ulëta, treguan të hënën të dhënat e ministrisë së financave.
Ky suficit përjashton buxhetet e organizatave të sigurimeve shoqërore dhe të administratës lokale.
Qëllimi i qeverisë ishte për një tepricë primare buxhetore e cila përjashton kostot e shërbimit të borxhit prej 2.09 miliardë euro për shtatë muajt e parë të vitit.
Të ardhurat neto nga taksat ishin 26.3 miliardë euro, 656 milionë euro nën objektivin. Ndërsa shpenzimet arritën 27.5 miliardë euro nën një objektiv prej 28.6 miliardë euro.
Arsyeja kryesore e mposhtjes së objektivave të suficitit primar është praktika e vjetër e qeverisë për ngrirjen e të gjitha taksave dhe rimbursimeve të tjera për qytetarët dhe bizneset private për një kohë të pacaktuar.
Qeveria synon një suficit buxhetor prej 1.9 për qind të PBB-së këtë vit, bazuar në planin strategjik afatmesëm fiskal. Synimi i ndihmës është për një suficit primar prej 1.75 të PBB-së.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.