Grimca pluhuri e rëre dhe temperatura drastikisht të larta – Parashikimi i motit për ditën e Enjte
Shërbimi Meteorologjik Ushtarak bën me dije se vendi po përjeton motin e ndikuar nga vala e të nxehtit Afrikan e cila përveç temperaturave të larta ka sjellë dhe grimca pluhuri e rëre në lartësi.
Sipas njoftimit i njëjti ndikim do të vijojë edhe gjatë ditë së enjte ku temperaturat parashikohen të regjistrojnë vlera 19 deri 37°C në zonat malore, 22 deri 42°C në zonat e ulëta dhe 25 deri 39°C në bregdet ndërsa era do të fryjë nga veriperëndimi e lehtë dhe shoqërohet nga valëzim i ulët në dete.
SHMU informon se valët e të nxehtit janë të pranueshme gjatë stinës së verës në gadishullin e Ballkanit dhe se temperatura të tilla janë shënuar edhe gjatë viteve të shkuara duke na sjellë në vëmendje që ndodhemi gjeografikisht më pranë ekuatorit sesa rrethit arktik.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.