“Gropa” e shkëmbimeve tregtare me Italinë! Këtë vit, 3 miliardë lekë më pak eksporte e 8 miliardë lekë më pak importe
Shqipëria dhe Italia po njohin një përkeqësim të nivelit të shkëmbimeve tregtare. Nëse analizojmë shifrat e INSTAT, rezulton se Shqipëria në muajin tetor ka eksportuar në Itali 1.2 miliardë lekë mallra më pak së në tetorin e vitit të kaluar.
Po ashtu, edhe në rang 10 mujori, rënia është edhe më e fortë me rreth më shumë se 3 miliardë lekë minus krahasuar me periudhën janar-tetor të vitit të kaluar.
E njëjta tendencë konstatohet edhe me importet. Në muajin tetor të këtij viti, Shqipëria importoi nga Italia 2 miliardë lekë mallra më pak se në tetorin e vitit të kaluar.
Në rang 10 mujori, këtë vit Shqipëria ka importuar nga Italia rreth 8 miliardë lekë mallra më pak.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.