Grupi i basteve në Mbretërinë e Bashkuar GVC mban bisedime të përbashkëta me MGM Resorts

Grupi britanik i basteve GVC Holdings Plc, i cili zotëron market Coral, Ladbrokes dhe Sportingbet, tha ditën e shtunë se ishte në bisedime të avancuara rreth një ndërmarrjeje të përbashkët me hotelin amerikan dhe operatorin e kazinove MGM resorts. “Grupi konfirmon se diskutimet janë në një fazë të përparuar në lidhje me një sipërmarrje të tillë të përbashkët  si dhe do ta azhurnojë tregun në një fazë më të përshtatshme”, tha GVC në një deklaratë.

Grupi, i cili është rritur me shpejtësi ndërmjet blerjeve duke përfshirë blerjen e Ladbrokes gjatë vitit të kaluar, po vlerëson një numër mundësish për t’u zgjeruar në Shtetet e Bashkuara pasi Gjykata e Lartë e SHBA –së muaj më parë i hapi rrugën për të legalizuar bastet sportive.  Transmetuesi Sky News njoftoi se GVC dhe MGM Resorts – nga ku është më i njohur për markat e Las Vegas si MGM Grand dhe Bellagio – do të vendosë rreth 100 milion dollar si pjesë e një ndërmarrje të përbashkët 50:50 për të krijuar një bast sportiv të klasit botëror dhe platformën e lojërave online” në SHBA.

Ndërmarrja e përbashkët ndjek një vendim të rëndësishëm të Gjykatës Supreme të SHBA gjatë këtij viti në mënyrë për ti hapur rrugën legalizimit të basteve sportive në të gjithë vendin. Kompanitë evropiane të lojërave të fatit janë bërë liderë globalë në industrinë e basteve sportive dhe kanë rritur praninë e tyre në SHBA për disa vite me shpresë se tregu mund të hapet përsëri.

Ndërmarrja do të përfshinte një angazhim 25-vjeçar, si pasoj e një kompanie për të blerë tjetrin pas 10 vitesh, Sky përmendi një burim të paemërtuar në lagjen financiare të Londrës. Marrëveshja gjithashtu mund të hapë rrugën për një bashkim midis dy firmave, tha Sky. Si dhe kjo marrëveshje gjithashtu do të zvogëlojë mundësinë që kompania britanike të mund të shpenzonte më shumë para duke investuar në një sërë strategjish hyrjeje të ndryshme në tregun amerikan.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.