“Guardia di Finanza” bllokon 8 tonelata me pjesë këmbimi automjetesh të përdorura të destinuara për tregun shqiptar. Media italiane: Ishin mbetje për asgjësim
“Guardia di Finanza” dhe funksionarët e doganës në Bari të Italisë kanë sekuestruar mbi 8 tonelata pjesë këmbimi për automjete që kishte si destinacion Shqipërinë. Mediat italiane raportojnë se e gjithë kjo sasi pjesësh këmbimi ishte fshehur në një rimorkio të një automjeti shqiptar që po bëhej gati për t’u futur në tragetin që do të udhëtonte drejt Shqipërisë.
Brenda mjetit janë gjendur stopa automjetesh të përdorura, kabllo elektrike, bateri të vjetëruara, amortizatorë, pompa frenash e airbag, të gjitha të konsideruara nga ligji si mbetje e si rrjedhojë duheshin asgjësuar konform procedurave ligjore. Malli është sekuestruar dhe është denoncuar përfaqësuesi i sipërmarrjes eksportuese me akuzën e trafikimit të mbetjeve dhe të falsifikim dokumentesh.
Artikulli i plotë: Kliko këtu
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.