Guida e Ekonomisë-Çfarë është skema e Ponzit?
Skema e Ponzit është një mashtrim i cili ka ne thelb marrjen e parave nga kursimtarët apo investitorët. Për të joshur këta të fundit të “investojnë” ajo ofron norma të larta kthimi me rrezik tepër të ulët ose 0.
Më pas Skema e Ponzit procedon në të tillë mënyrë: Për t’i kthyer paratë investitorëve vjetër ajo përdor paratë e marra nga investitorët e rinj, për t’i kthyer paratë këtyre të fundit ajo merr paratë e investitorëve të tjerë që vijnë dhe kështu me radhë.
Është e ngjashme me një skemë piramidale në të cilën të dyja janë të bazuara në përdorimin e fondeve të investitorëve të rinj për të paguar mbështetësit e mëparshëm.
Për të dyja skemat Ponzi dhe skemat piramidale, përfundimisht nuk ka para të mjaftueshme për të vijuar më tej, dhe skemat shpërbëhen.
Origjina e Skemës së Ponzit
Skema e parë Ponzi famëkeqe u krijua nga një njeri i quajtur Charles Ponzi në 1919.
Ponzi dërgonte agjentë të merrnin pulla postare jashtë vendit pasi çmimet e tyre luhateshin nga një vend në tjetrin. Më pas ai i shiste këto pulla shumëfish në vendin e tij.
Disa shenja paralajmëruese të skemave të Ponzit:
Kthim të lartë me pak ose aspak rrezik.
Kthim tepër i qëndrueshëm.
Investimet e paregjistruara..
Strategji sekrete dhe komplekse. (nuk japin informacion)
Klientët nuk mund të shohin dokumentet zyrtare për investimin e tyre.
Vështirësi në marrjen e pagesave.
Përshtati në shqip:SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.