Guterres, me një mandat të dytë në OKB – Këshilli i Sigurisë jep pëlqimin për Sekretarin e Përgjithshëm

Këshilli i Sigurisë i Organizatës së Kombeve të Bashkuara ka dhënë pëlqimin për sekretarin e përgjithshëm Antonio Guterres, që të shërbejë një mandat të dytë.  Ambasadori i Estonisë në OKB, Sven Jurgenson, si presidenti i Këshilli të Sigurisë për Qershorin, lajmëroi dakordësinë pas një takimi privat të këshillit.

“Këshilli i sigurisë, pasi ka konsideruar rekomandimin për emërimin e Sekretarit të Përgjithshëm të Kombeve të Bashkuara, vlerëson ndaj Asamblesë së Përgjithshme që Antonio Guterres të caktohet sekretar i përgjithshëm për një mandat të dytë nga 1 Janari 2022, më 31 Dhjetor 2026”, u shpreh  Sven Jurgenson Ambasadori i Estonisë në OKB

Jurgenson tha se Asambleja e Përgjithshme pritet të mbajë një sesion më 18 Qershor për emërimin e Guterres për një mandat të dytë. Guterres ishte i vetmi kandidat zyrtar, pasi asnjë shtet nuk kishte nominuar ndonjë garues.  Guterres ka vërtetuar se është i denjë për postin e sekretarit të përgjithshëm me performancën e tij gjatë thuajse 5 viteve në detyrë, sipas Jurgenson.  Guterres falenderoi Këshillin e Sigurisë për miratimin. “Është një nder, i jam mirënjohës anëtarëve të këshillit për besimin që kanë tek unë”- tha Guterres. Pas miratimit të rezolutës, përfaqësuesi i kinës tek OKB, Zhang Jun, tha se Kina mbështet ricaktimin e Guterres si sekretar i përgjithshëm.   Guterres, 72 –vjeç, u bë sekretari i 9 i organizatës në vitin 2017. Ai ka qenë komisioneri i lartë për refugjatët për 10 vite tek Organiata, dhe ka qenë kryeministër i Portugalisë nga viti 1995 në 2002.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.