Hahn: Në verë, synojmë rekomandimin për hapjen e negociatave me Shqipërinë dhe Maqedoninë
Komisioni Europian do ti rekomandojë vendeve anëtare të BE edhe për hapjen e negociatave për dy vende të thjerra të Ballkanit Perëndimor, Shqipërisë dhe Maqedonisë.
“Komisioni i BE së shpejti do ti rekomandojë Shteteve Anëtare – ndoshta deri në verë – të hapin negociatat e pranimit me Shqipërinë dhe ish Republikën Jugosllave të Maqedonisë”, tha komisioneri i zgjerimit të BE Johannes Hahn për gazetën WELT.
Njerëzit në këto vende meritojnë një perspektivë konkrete europiane, tha Hahn.
“Ne besojmë se të dy vendet kanë bërë reforma të rëndësishme në të kaluarën dhe kështu janë kualifikuar për këtë hap”. Kështu, Shqipëria ka bërë shumë “në luftën kundër krimit të organizuar”, tha Hahn.
Rekomandimi i Komisionit Europian është një parakusht i domosdoshëm për një vendim të shteteve anëtare për të hapur negociatat e pranimit. Shqipëria ka qenë kandidate për anëtarësim që nga viti 2014 dhe Maqedonia që nga viti 2005.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.