“Hakohet parlamenti” – Ndërhyrje në rrjetin Australian
Agjencia kryesore e Australisë në fushën e sigurisë në internet po heton një shkelje të rrjetit federal të informatikës parlamentare në mes të spekulimeve të hakerave nga një shtet i huaj.
Ligjvënësit dhe stafi në kryeqytet, Canberra, ndryshuan fjalëkalimet e tyre në sistem pas harkimit njëditor. Një deklaratë e përbashkët nga kryetari i Parlamentit Tony Smith dhe presidenti i Senatit Scott Ryan thanë se nuk ka dëshmi se gjatë ndërhyrjes kishin vjedhur të dhëna, por hetimet po vazhdojnë.
“Nuk kemi prova se kjo është një përpjekje për të ndikuar në rezultatin e proceseve parlamentare ose për të prishur apo ndikuar në proceset elektorale apo politike” -tha deklarata. Megjithëse zyrtarët australianë nuk kanë fajësuar ndonjë vend, në vitin 2011 është raportuar se Kina dyshohet të ketë hyrë në sistemin e-mail të përdorur nga ligjvënësit dhe stafi parlamentar. Eksperti i sigurisë në internet, Fergus Hanson, nga Instituti i Politikave Strategjike Australiane, tha se ka gjasa që një “shtet- komb” të ishte pas incidentit.
Kryeministri Scott Morrison tha se ai ishte informuar për këtë çështje, por nuk mund të komentonte mbi burimin e sulmit.
“Duhet të theksoj se nuk ka asnjë provë se departamentet qeveritare ose agjencitë kanë qenë qëllimi i një ndërhyrje të tillë” -tha Morrison për gazetarët. Shkeljet kibernetike vijnë gjatë javës kaluar ndjekur nga lajmet që parlamentarët në Britani ishin në shënjestër të hakerave për të vjedhur listat e tyre të kontakteve në email dhe telefon.
Burimi: CNBC
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.