Hanëme Mata në ‘’Argument’’: ’Në arsimin profesional, profesionet më të kërkuara janë ato të hidraulikut dhe të elektricistit”
Kjo javë ka pasur aktivitete të ndryshme, në kuadër të ditës ndërkombëtare të punëtorëve. Për të diskutuar rreth faktit sesi është të punosh në Shqipëri, e ftuar në ‘’Argument’’ të enjten në mbrëmje, ishte dhe Hanëme Mata, drejtoresha e Drejtorisë Rajonale të Formimit Profesional Publik. Për ‘Argument’ ajo shprehet se formimi profesional po pëson një trend në rritje.
‘’Vetëm vitin e kaluar mbi 3500 individë janë trajnuar nëpër shkolla profesionale. Duhet të theksoj, se është rritur gama e kurseve të formimit profesional, duke arritur gati në 40 lloje të ndryshme profilesh, ku ndër profesionet më të kërkuara janë ato të hidraulikut dhe të elektricistit. Arsimi profesional, bën të mundur se secili prej atyre që është trajnuar, ka gjetur veten në treg.’’
Mata, theksoi gjithashtu se ajo që Drejtoria Rajonale e Formimit Profesional Publik, synon tek rritja e cilësisë së formimit të atyre që trajnohen në këto shkolla. Ndërsa përsa i përket informalitetit në punë, ajo shprehet se shumë prej punonjësve e shkaktojnë vetë këtë fenomen, pasi vetëm për të marrë një ndihmë ekonomike ata kërkojnë që të mos u deklarohet paga.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.