Hapen mbi 9 mijë biznese të reja – Të dhënat e tatimeve/ Ulën qepenat mbi 3 mijë të tjera
9761 biznese të reja neto janë hapur në të gjithë vendin në 9 muajt e parë të vitit. Referuar të dhënave zyrtare të Drejtorisë së Përgjithshme të Tatimeve, të vëna në dispozicion për TV SCAN, numri total i bizneseve të reja të regjistruara në Qendrën Kombëtare të Biznesit për periudhën Janar-Shtator 2018 ka qenë 12.816.
Ndërsa numri i të ç’regjistruarve, të cilët kanë përmbushur kushtet ne përputhje me ligjin per “Procedurat tatimore” arrin në 3.053 tatimpagues. Sa i takon kategorive të bizneseve që janë regjistruar rishtazi, vihet re se pjesa më e madhe e tyre janë biznese të vogla, ku numërohen 12,099 të tilla.
Të ndjekura nga kategoria e bizneseve të mëdha, me 594 subjekte të regjistruara gjatë kësaj periudhe, dhe pjesa tjetër janë Organizata JoFitimprurëse, apo subjekte të tjera të këtij lloji, ku për 9 muajt e parë të 2019, listohen 123 të tilla. Pjesa më e madhe e bizneseve të reja që hyjnë në treg janë të përqendruara në shitjet me pakicë apo në sektorin e shërbimeve, si bare, restorante, fastfood-e etj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.