Hapet autostrada Tiranë – Durrës, përfundojnë punimet
Autostrada Tiranë – Durrës nga sot është e hapur në të dyja drejtimet. Autoriteti Rrugor Shqiptar njofton se kanë përfunduar punimet për vendosjen e dy tombinove në aksin rrugor Tiranë – Durrës, në vendin e quajtur Qafa e Kasharit.
“Edhe pse moti dhe temperaturat nuk kanë qenë favorizuese, nuk i penguan punimet të përfundonin para afatit, kjo falë punës së kompanisë, që punoi me ritme shumë të larta edhe gjatë orëve të natës. Do të vazhdohet me punimet e tjera plotësuese, por këto nuk do të pengojnë trafikun normal të mjeteve”, njofton ARRSH.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.