Hapet fabrika e re e automobilëve, Rama: Qeveria shqiptare, gjithçka për të lehtësuar biznesin

Kryeministri Edi Rama dhe ministrja e financave Anila Denaj, kanë parë nga afër hapjen e fabrikës japoneze që operon në fushën e automobilëve. Gjigandi japonez në këtë sektor Sumitomo do të punësoje në këtë fabrikë rreth 2000 persona ndërsa për rreth 1 vit është parashikuar që numri I të punësuarve të shkoj në 5000. Kryeministri gjatë takimit me drejtuesit e fabrikës Sumitomo, tha se qeveria shqiptare është e hapur për të lehtësuar investitorë të tillë në çdo aspekt.

“Kemi çerek ore që ndodhemi këtu dhe dua të falënderoj ambasadorin e Japonisë, për këtë arritje të shkëlqyer dhe dua tju bëj të ditur se do të jem në dispozicion për zgjerimin jashtë Tiranës dhe nëse dëshironi të zhvilloni edhe prona publike. Ka disa procedura dhe është i rëndësishëm bashkëpunimi me ministren e Finanacave.

Dua t’ju bëj me dije gjithashtu se do paguani taksa shumë më pak se sa në Itali dhe vende të tjera. Trajtojini mirë njerëzit tanë dhe ne nuk do t’ju zhgënjejmë. ”

Rreth 90 % e të punësuarve në fabrikën Sumitomo janë gra.

Kompania në Japoni,  pjesë e grupit Sumitomo,  është listuar në bursën e Tokjos që prej vitit 1949 dhe operon në 6 segmente të buznesit, përfshirë sistemet e transportimit dhe ndërtimit. Sipas të dhënave të Thomson Reuters,  në sesionin e fundit tregtar, kompania tregtohej në 1,183 jen, apo 11.34 dollarë. Në vitin e vitin e fundit financiar, “Sumitomo Corporation” kishte regjistruar një xhiro prej rreth 42 milionë dollarë.

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.