Hapet gara për tunelin e Llogarasë – Rruga do të përshkohet për 10 minuta / Pritet të hapë 11.600 vende pune
Ministria e Infrastrukturës ka hapur tenderin për tunelin e Llogarasë, gjatë fjalimit të mbajtur Ministrja e infrastrukturës, Belinda Balluku është shprehur se tuneli i Llogarasë ka qenë një ëndërr e çdo shqiptari për të aksesuar jugun e vendit tonë.
Problematika që kjo rrugë ka aktualisht bazohen të siguria pavarësisht mirëmbajtjeve të vazhdueshme të cilat kanë përmirësuar kushtet por pa i dhënë zgjidhje konkrete.
Balluku është shprehur se aksesin do të jetë i prekshëm nga të gjithë. Sot duhen rreth 55 minuta për të përshkuar rrugën ndërsa me tunelin e ri rruga bëhet për 7 deri në 10 minuta, dhe projekti do të jetë efecient për sa i përket kohës dhe kostos së harxhimit dhe sigurisë rrugore.
Impakti që ky tunel do të ketë në ekonomi është 550 deri 650 milion euro, ndikim direkt dhe pritet të hapë 11600 vende pune.
Gjithashtu pas hapjes së tunelit pritet që numri i automjeteve të cilat aktualisht kapin shifrën 3000, të dyfishohet në vitin e dytë dhe në vitin e tretë kjo shifër të jetë rreth 10000 makina.
Gjatë takimit ka folur edhe kryeministri Edi Rama i cili është shprehur se sot jemi gati të materializojmë këtë projekt i cili do të krijojë një akses komplet tjetër dhe do të shërbej si katalizator për rivierën joniane.
Rama ka shtuar se ky projekt do të përmirësoje imazhin e Shqipërisë, një zonë ku interesi është i gjithanshëm , zonë me histori, trashëgimi dhe akoma mbetet një thesar i pazbuluar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.