Hapet kantieri i rindërtimit në Tiranë. Fillon puna për 1000 apartamente të reja
11 muaj nga tërmeti tragjik i 26 nëntorit, është hapur edhe kantieri më i madh i rindërtimit në Tirana, ku parashikohet që në zonën te 5 Maji, të ndërtohet 1000 apartamente. Kryeministri Edi Rama në ceremoninë e fillimit të punimeve tha se, pas çdo krize vijnë mundësitë për të rindërtuar dhe krijuar kushte më të mira për banorët që u prekën, për ata në Durrës dhe Tiranë. Kryeministri tha se së shpejti do të fillojnë punimet edhe për teatrin e ri.
“Kjo zonë këtu mbase do të ishte prekur për tu ngritur më lart mbas 10, 20, 30 vjetësh apo edhe më shumë kur të krijoheshin mundësitë.Ndërkohë që ne e prekim këtë zonë sot me ambicien që mbi këto rrënoja apo ngrehina kaotike të shumë dekadave të mbledhura së bashku të ndërtojmë në pak vite një qendër të re të Tiranësh, një adresë të re për Tiranën që Duam për gjeneratat e tjera dhe për një hapësirë cilësisht të re për plot 11 mijë banorë. ”
Kryeministri ju përgjigj edhe akuzave të opozitës, duke thënë se deri më tani procesi i rindërtimit është bërë me fondet e shtetit, ndërsa paratë e donatorëve do të alokohen së shpejti dhe do të monitorohen po nga ata.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.