Hapet për qarkullimin e automjeteve tuneli numër 4 te sheshi “Shqiponja” – Balluku: Gjatë javëve të ardhshme pritet hapja e tunelit të tretë

Gjatë ditës së sotme Ministrja e Infrastrukturës, Belinda Balluku ka vizituar kantierin e rreth rrotullimit te sheshi shqiponja ku ka njoftuar hapjen për qarkullimin e automjeteve të tunelit të katërt.

Përmes tij do të bëhet qarkullimi i automjeteve që dalin nga Tirana në drejtim të Durrësit, duke lehtësuar qarkullimin në hyrje të kryeqytetit.

Balluku është shprehur se këto nuk janë lëvizjet përfundimtare që do të ketë projekti në përfundim të tij pra në Dhjetor të këtij viti.

Ministrja gjithashtu njoftoi se brenda dy javëve të ardhshme do të hapet edhe tuneli i tretë i cili do të orientojë trafikun që vjen nga Durrësi në drejtim të Tiranës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.