Hapet rruga për vaksinën ruse e kineze – Manastirliu: Tashmë ka të dhëna shkencore për efektivitetin. Nis vaksinimi i pedagogëve

Parlamenti ka miratuar Aktin Normativ që i hap rrugë futjes së vaksinave ruse dhe kineze për COVID-19 në vendin tonë. Gjatë fjalës së saj, ministrja e Shëndetësisë, Ogerta Manastrliu argumentoi ndryshimin e qëndrimit të qeverisë për përdorimin e vaksinave që nuk janë të certifikuar nga agjencia amerikane dhe europiane e barnave, me faktin se tashmë ka evidence shkencore që vërtetojnë efektivitetin e vaksinave të tjera.

Ndërkaq, më herët Manastirliu dhe kryeministri Edi Rama ndoqi nga afër nisjen e procesit të vaksinimit të pedagogëve.

Pavarësisht se akti normative u miratua të martën, në datën 22 mars në vendin tonë mbërritën 10 doza të vaksinës Sputnik 5, si dhuratë e nga Princi i Kurorës së Emirateve të Bashkuara, Muhammed Bin Zayed. Në total, në vendin tonë kanë mbërritur 90 325 doza.

VAKSINAT QË KANË MBËRRITUR NË VENDIN TONË

11 janar 975 doza Pfizer

2 shkurt 1 170 doza Pfizer

15 shkurt 7 020 doza Pfizer

22 shkurt 8 190 doza Pfizer

1 mars 15 210 doza Pfizer

12 mars 38 400 doza AstraZeneca

15 mars 9 360 doza Pfizer

22 mars 10 000 doza Sputnik V

TOTALI 90 325 doza

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.