Hapet spitali më i madh, me rreth 12,000 të punësuar
Kompleksi Spitalor i Ankarasë, shtimi i fundit i përpjekjes së Turqisë për modernizimin e sektorit shëndetësor, filloi të pranojë pacientët e parë. “Kompleksi i shtrirë në kryeqytetin e Ankarasë është më i madhi i këtij lloji në Evropë”, tha ministri i Shëndetësisë Fahrettin Koca.
Spitali, i cili ka 3,623 shtretër dhe punëson rreth 12,000 njerëz, përfshirë nga mjekët dhe infermieret tek teknikët, mamitë, pritet të inaugurohet zyrtarisht nga Presidenti Rexhep Tajip Erdogan në ditët në vijim.
‘Kompleksi Spitalor’ janë një koncept i ri në përpjekjen e Turqisë për të përmirësuar sektorin e kujdesit shëndetësor. Ata synojnë të përmirësojnë standardet shëndetësore duke rritur ndjeshëm kapacitetin e shtretërve në spitale dhe duke adresuar mungesën e mjekëve.
Këto komplekse të mëdha spitalore janë ndërtuar kryesisht në periferi dhe akomodojnë stafin dhe shërbimet e spitaleve ekzistuese. Ata ofrojnë shërbime në një gamë të larmishme të specialiteteve mjekësore që nuk janë në dispozicion në spitale të tjera në shumë qytete.
Për të siguruar cilësinë e shërbimeve, qeveria ka miratuar një model partneriteti publik-privat për ndërtimin dhe funksionimin e komplekseve.
Dy komplekse spitalore do të hapen këtë vit në Ankara dhe në qytetin veriperëndimor të Bursës.
Ministrja Koca tha se kompleksi strehonte tetë spitale të ndryshme të specializuara në degë të ndryshme të mjekësisë. “Ne duam që këto komplekse të jenë një qendër shëndetësore në rajonin e tyre”, tha ai.
Kompleksi Spitalor i Ankarasë pritet të ketë pranime të përditshme të 30.000 pacientëve. Spitali ka 904 dhoma klinike, një njësi të kujdesit intensiv me 674 shtretër dhe 131 dhoma kirurgjie, ku më shumë se 600 operacione mund të kryhen çdo ditë.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.