Hapet tenderi/ Drejt rehabilitimit diga e Liqenit Artificial të Tiranës

Ujësjellës Kanalizime Tiranë ka shpallur tenderin me objekt: “Studim, projektim e preventivim të rehabilitimit total të digës së Liqenit Artificial të Tiranës”. Referuar shpalljes së bërë në Agjencinë e Prokurimeve Publike, fondi limit 3 milionë e 422 mijë lekë ndërsa data e mbylljes për pranimin e kërkesave për pjesëmarrje 07 qershor 2021.

Diga e Liqenit Artificial të Tiranës është pjesë e Parkut të Tiranës, i cili është shpallur Park Kombëtar.

Ndërtimi i kësaj dige është bërë për të krijuar një kompleks atraktiv për banorët e Tiranës. Ajo përbëhet nga këto vepra kryesore:

1. Diga .
2. Vepra e shkarkimit.
3. Ujëlëshuesi
4. Porta dhe mekanizmat per shkakrimin
5. Kaperderdhesi i prurjeve te teperta
6. Sifoni i shkarkimit. (Mqs eshte bllokuar porta e shkarkimit fundor eshte vendosur sifoni Ø 300 mm çelik per shkarkim)

Diga e Liqenit Artificial të Tiranës është ndërtuar në vitet 1957-1958 . Eshtë digë homogjene (dheu), me vëllim të trupit të digës 110 000 m³.

Bazamenti i saj është gjysëm shkëmbor (tokë). Lartësia e digës nga kurora deri në pikën më të ulët të gërmimit është 17 m. Ndërsa gjatësia e kurorës së digës është 600m.

Diga ka krijuar një rezervuar në nivelin normal 117.25 m të barabartë me 2 560 000 m³ ujë. Sipërfaqja e pasqyrës së ujit është 356 000 m.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.