Hapet tenderi/ Rikonstruksion godinës kryesore të ISUV në Tiranë
Instituti i Sigurisë Ushqimore dhe Veterinarisë (ISUV) ka shpallur tenderin 111 milion e 950 mijë lekë për rikonstruksionin e godinës kryesore. Data e mbylljes se tenderit është 24 gusht 2020.
Institucioni ndodhet në pjesën Veri-lindore të qytetit të Tiranës , 3.5 km larg qëndres. Në jug kufizohet nga rruga ‘Sotir Caci’ , ndërsa në lindje me Autoritetin Shëndetësor Rajonal A.SH.R. Përveç funksionit dhe rëndësisë, ka një impakt të madh në zonë nga vetë pozicioni në të cilin ndodhet , pasi është krah të një rruge me fluks të madh kalimtarësh. Godina është ndërtuar në vitet ’70 , ngrihet me fasadën kryesore nga Jugu në 5 kate mbi tokë dhe një kat nëntokë.
Në total, janë rreth 2350 metra katrorë ndërtim të shpërndarë në 6 kate. Karakterizohet nga një arkitekturë interesante për kohën, me vetrata të mëdhaja dhe me një ritëm kolonash në dukje. Godina ka pësuar dëmtime dhe amortizim të skajshëm, qofte nga jetëgjatësia e saj, ashtu dhe nga ndërhyrjet në punimet e brendshme sipas funksioneve të përdorimit që ka pasur në vite.
Propozimi i cili paraqitet në projektin arkitektonik plotëson kushtet e termoizolimit dhe të rikompozimit të fasadës me të gjithë elementet e saj . Përsa i përket konceptit arkitektonik , fasada është pasuruar me elemente horizontale të cilat krijojnë një lojë interesante dritë-hije si dhe lejojnë instalimin e ndriçimit të saj.
Pjesë e projektit të fasadës është edhe shndërrimi i hyrjes së institucionit duke i dhënë impaktin dhe rëndësinë që duhet të ketë . Volumi i hyrjes zgjatet duke krijuar strehën e duhur dhe hapësirën e nevojshme për vendosjen e dy dyerve hyrëse elektrike dhe të pajisura me akses kontrolli.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.