Hapja e kufijve me rajonin / Policia bën të ditura masat për çdo shtet: “Në Kosovë kërkohet konfirmim zyrtar’
Policia Kufitare ka bërë me dije se në deatën 1 qershore janë hapur kufijtë me disa nga vendet e rajonit.
Për këtë arsye janë marra masa që të gjithë oficerët e Policisë do të jenë të pajisura me mjetet e sigurisë, si doreza dhe maska në çdo pikë kufitare.
Gjithashtu janë bërë të ditura edhe detajet që duhet të dihen për kalimin në çdo shtet, pasi masat ndryshojnë në varësi të marrëveshjeve bilaterale të arritura.
Në Itali, Greqi, Maqedoni nga Shqipëria lejohet hyrja vetëm për udhëtarët që janë rezident ose kanë ndjekur procedurat me Ministrinë e Shëndetësinë.
Në Malin e zi lejohet hyrja pa pengesa dhe kufizime.
Në Kosovë, lejohet hyrja vetëm nëse keni konfirmim zyrtar brenda një afati 4 ditësh se jeni negativ me COVID-19, përndryshe do të detyroheni të plotësoni formularin për vetëkarantinim 7-ditor, ndërsa kamionët duhet t’i nënshtrohen procesit të dezinfektimit para se të hyjnë në territorin kosovar.
Njoftimi i plotë:
Në zbatim të urdhrit nr. 351, datë 29.05.2020, të Ministres së Shëndetësisë dhe Mbrojtjes Sociale “Për marrjen e masave të veçanta dhe kufizimeve për parandalimin e përhapjes së COVID-19”, Policia Kufitare ka marrë masat në të gjitha pikat e kalimit kufitar tokësor, për vijimin normalisht dhe pa probleme të aktivitetit kufitar.
Në këtë kuadër i gjithë personeli i Policisë Kufitare në pikat e kalimit kufitar është pajisur me maska dhe dezinfektantë për mbrojtjen nga COVID-19.
Në lidhje me shtetet fqinje situata e kalimit kufitar është si më poshtë:
Për Republikën e Italisë, Greqisë dhe Republikën e Maqedonisë së Veriut nuk ka ndryshim të regjimit kufitar nga ana e tyre. Lejohet hyrja për në Shqipëri, por nuk lejohet hyrja për të gjithë udhëtarët në drejtim të këtyre vendeve, përveç atyre që janë rezident apo që kanë ndjekur procedurat me Ministrinë e Jashtme, si përgjatë periudhës së pandemisë.
Në Republikën e Malit të Zi lejohen të hyjnë pa asnjë pengesë dhe kufizim vetëm qytetarët nga shtetet në listën e miratuar nga ana e tyre (shtete të cilat kanë shkallën e rasteve aktive të koronavirusit më pak se 25 për 100 000 banorë), listë në të cilën bën pjesë edhe Republika e Shqipërisë.
Në Republikën e Kosovës lejohen të hyjnë të gjithë shtetasit, por në qoftë se nuk posedojnë konfirmim zyrtar brenda një afati kohor prej 4 ditësh që janë “negativ” me COVID-19, atëherë duhet të plotësojnë formularin përkatës për vetëkarantinim për një periudhë 7-ditore,
Policia Kufitare ka marrë një sërë masash shtesë edhe në drejtim të parandalimit, evidentimit dhe goditjes së krimeve ndërkufitare, qoftë në pikat e kalimit, ashtu edhe në kufirin e gjelbër dhe atë blu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.