Hapja e sektorit të turizmit / Qeveria është ende në dilemë

Kryeministri Edi Rama në një bashkëbisedim me gazetarët, të martën ka folur mbi situatën e hapjes graduale, e quajtur ndryshe edhe “Faza 2”, ku synohet rikthimi në normalitet i ekonomisë.

Sipas tij frika mbetet ende e madhe për një valë të dytë infeksionesh, ndërsa institucionet qeveritare po marrin të gjitha masat e nevojshme për të krijuar kushtet që ta përballojnë atë.

Më tej, kreu i qeverisë shpjegoi se për hapjen graduale të sektorit të turizmit ende nuk ka një plan të qartë dhe gjithçka do të kryhet duke parë situatën në vazhdimësi.

Frika e një vale të dytë infeksionesh dhe masat e distancimit social do të ndikojnë shumë në shërbimet që ofron ky sektor, për të cilën kryeministri tha se duhet një zgjidhje më unike:

“Rreziku është shumë i madh, por edhe mbyllja përtej një garancie ekuilibri mes ruajtjes së shëndetit dhe mbrojtjes së njerëzve. Brenda muajit duam që të hapen kufijtë tokësorë. Mundësia e një vale të re nuk është e vogël dhe ën rast se nr do të fillojnë përtej një pritshmërie të arsyeshme dhe të na futi në një kornizë të një modeli që kërcënon sistemin tonë shëndetësor do të krijojë një mbyllje që do na rëndojë të gjithëve. Prandaj qytetarët të respektojnë rregullat, pasi mund të kalojmë  situata edhe më të vështira nga sa kemi kaluara. Është një dileme shumë e madhe pasi nuk është vetëm a do hapet turizmi, por çështja është si? Kam parë modele të ndryshme si 5 m distancë nga çadra në çadër, po mënyrë të parcelizuara, janë shumë improvizime, por realisht dhe në komunitet e vazhdueshme ecin me duar përpara por me sy mbyllur me shpresën që nuk do takojnë murin”, tha Rama.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.