Harrojeni orarin 9 me 5 nëse dëshironi të jeni një lider i vërtetë
Nuk bëhet fjalë për të mbushur kalendarin, apo që të jeni aq të zënë me punë sa të mos mundni të merrni frymë.
Por nga një perspektivë udhëheqëse, të kuptuarit e dallimit të vërtetë midis asaj se si duhet të kaloni kohën në zyrë dhe se si duhet ta kaloni atë jashtë saj është vërtetë e rëndësishme.
Nëse mendja juaj dhe etika e punës ndizen në orën 9 dhe mbyllen në orën pesë do të jeni edhe ju si gjithë të tjerët që shtyjnë karrocat.
Ekipet me të vërtetë të shquara përbëhen nga njerëz që vendosin se duan të jenë udhëheqës dhe jo vetëm punonjës.
Vendimi për t’u bërë udhëheqës është ilustruar në zgjedhje të ndryshme të bëra gjatë periudhave 9 deri në 5 dhe 5 deri në 9.
Njerëzve të suksesshëm iu është dashur shumë kohë për të kuptuar se forca dhe elasticiteti i vërtetë, për të mos përmendur krijimtarinë dhe energjinë e një udhëheqësi ndodh para se dikush të paraqitet në rrugë dhe pasi të gjithë të tjerët të kenë ikur.
Gjithkush e di se si kalon koha 9 me 5. Janë gjithnjë takimet ku duhet të kujdeseni për klientët, të menaxhoni zyrën.
Kjo nuk është punë e veçantë, është lloji i punës që pritet të bëni. Ndërkohë nëse dëshironi të shkoni përtej pozicionit të punës suaj e të jeni vërtetë një udhëheqës.
Nëse ju e mbyllni trurin në orën 5 të pasdites dhe jeni me bindjen se orari juaj i punës është vetëm 9 me 5 atëherë asgjë nuk do të bëhet mirë, kjo tregon thjesht që ju keni një karrocë dhe po e shtyni derisa t’ju vijë ora për të mos e shtyrë më.
Çdo ditë, ju keni zgjedhur të zgjoheni me synimin që të jeni më të mirët në atë që bëni, dhe ju gjithashtu keni mundësinë të bëni atë në minimum.
Por treguesi më i mirë i një lideri të suksesshëm është aftësia për të dalluar se çfarë duhet të bëhet nga 9 me 5 dhe çfarë duhet të bëhet nga 5 me 9.
Kjo funksionon kështu, është fare e thjeshtë. Nëntë me pesë është koha për rritjen e ekipit tuaj dhe pesë me nëntë është koha për rritjen personale.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.