Harrojini shtëpitë buzëdetit – Vilat nënujore trendi i ri i shfaqur në 2018-ën
Shtëpitë bregdetare ujore përfaqësojnë kaq shumë vitin 2017. Tashmë e gjithë ka të bëjë me përvojën nënujore.
Ditën e martë, “Conrad Maldives Rangali Island” njoftoi se do të përfundojë punën në atë që pretendon se do të jetë vendbanimi i parë në det i këtij lloji deri në fund të 2018-ës.
Rezidenca do t’i lejojë të ftuarit të zhyten plotësisht në një botë nënujore në Oqeanin Indian. Ajo do të bashkohet me restorantin nëndetar të markës, Ithaa, si një tjetër përvojë pioniere udhëtimi.
Sipas hotelit, kjo rezidencë do të mbajë emrin Muraka, e cila në gjuhën e Maldivianëve do të thotë korale.
Muraka, është projektuar si një mundësi që i lejon vizitorët të bëhen njësh me jetën e gjallë dhe të larmishme të oqeanit që i rrethon.
“Të nxitur nga frymëzimi ynë për të ofruar përvoja të reja dhe transformuese për udhëtarët tanë globalë, rezidenca e parë nënujore në botë inkurajon të ftuarit për të eksploruar Maldivet nga një perspektivë tërësisht e re nën sipërfaqen e detit”, tha në një deklaratë Ahmed Saleem, drejtor në Crown Company dhe arkitekti kryesor dhe projektuesi i banesës nënujore.
Struktura do të jetë me dy nivele të përbëra nga një dysheme mbi nivelin e detit dhe një suitë nënujore e projektuar për të fjetur 16,4 metra nën sipërfaqen e oqeanit.
Suite nënujore përmban gjithashtu një dhomë gjumi mbretërore, një dhomë ndenjeje, tualetin, dhe disa shkallë në formë spiraleje që të çojnë në dhomën në një nivel më lartë.
Gjithashtu në nivelin e sipërm të rezidencës, vizitorët do të gjejnë të gjitha facilitetet e nevojshme duke përfshirë një dhomë me madhësi të dyfishtë, tualet, kuzhinë, dhomën ku bëhet palestër, dhe një dhomë ndenjeje e ngrënieje të integruar, nga e cila mund të shijoni perëndimin e diellit.
Në total Muraka mund të strehojë deri në 9 mysafirë, por edhe nëse ju nuk mund të rezervoni këtë suitë, resorti përmban gjithashtu edhe mjaft vila të tjera magjepsëse të cilat ofrojnë gjithçka që ju nevojitet si dhe një eksperiencën frymëzuese që Maldivet kanë për të ofruar.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.