Harry dhe Meghan janë gati të marrin masa ligjore për “spiunazhin” që po i bëhet nga mediat

Duka dhe Dukesha e Sussex kanë lëshuar një paralajmërim ligjor për mediat pasi fotografitë e Meghan në Kanada u botuan në gazeta dhe në faqet e internetit.

Avokatët thonë se fotot e dukeshës që shëtiste qenët e saj dhe mbante djalin e saj ishin marrë nga fotografë të fshehur në shkurre duke bërë spiunazh mbi të.

Ata thonë se ajo nuk ka pranuar dhe akuzuar fotografët për ngacmim.

Çifti shprehet se janë të përgatitur të ndërmarrin veprime juridike.

Avokatët thonë se ka pasur edhe përpjekje për të fotografuar brenda shtëpisë së tyre duke përdorur thjerrëza me rreze të gjatë dhe ata akuzojnë paparacët se janë vendosur jashtë pronës.

Kjo vjen pasi Mbretëresha ka ranë dakord për dëshirën e çiftit për të hequr dorë nga të qenit mbretër të rregullt, për t’u bërë të pavarur financiarisht dhe për të ndarë kohën e tyre midis Mbretërisë së Bashkuar dhe Kanadasë.

Duka i Sussex arriti përsëri në Kanada të martën në mëngjes pasi mori pjesë në Samitin e Investimeve në Mbretërinë e Bashkuar-Afrikë në Londër të hënën.

Ai kishte qenë larg Meghan dhe Archie për më shumë se 10 ditë, pasi ajo fluturoi përsëri në Kanada në fillim të këtij muaji.

Princi Harry ka pasur një kohë të gjatë një marrëdhënie jo të lehtë me mediat, pasi është rritur i vetëdijshëm për ndikimin që kishte interesi i medias në jetën e nënës së tij të ndjerë, Diana, Princesha e Uellsit, e cila vdiq në një aksident automobilistik në Paris ndërsa ndiqej nga paparacët në motoçikleta.

Shoferi i makinës së Princeshës Diana – Henri Paul – kishte qenë duke ngarë pije në kohën e përplasjes më 31 gusht 1997.

Princi ka krahasuar shpesh përvojat e gruas së tij në shtyp me ato të nënës së tij të ndjerë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.