Harta botërore e ndotjes së ajrit në qytete – Si paraqitet Shqipëria dhe pjesa tjetër e Europës

Organizata Botërore e Shëndetësisë ka përpunuar të dhënat nga matjet e cilësisë së ajrit për të gjithë botën, duke përpiluar një hartë interaktive.

Mbi 80% e njerëzve që jetojnë në zona urbane janë të ekspozuar ndaj niveleve më të larta të ndotjes se limit i OBSH.

Kjo organizatë thekson se prania e ndotësve lidhet edhe me të ardhurat për frymë. Kështu, 98% e qyteteve më të varfra dhe me mbi 100 mijë banorë nuk i plotësojnë parametrat e cilësisë së ajrit.

Në shtetet më të varfra, kjo përqindje zbret në 56%.

Një raport i fundit i OBSH tregoi edhe se ndotja e ajrit është pikërisht një nga shkaqet kryesore të vdekjes në kontinentin europian, ku normat më të larta i takojnë Europës Lindore.

Në hartën e mëposhtme, Shqipëria renditet mes vendeve me një ndotje mesatare nga 16-25 mikrogramë për metër kub, ku sipas standardit duhet të ishte 10 mikrogramë. Ndërsa zonat më të ndotura në vend rezultojnë të jenë Tirana dhe Durrësi, me mbi 26 mikrogramë PM2.5 për m3.

Në Europë Suedia ka vlerën më të ulët me 5.9 mg/m3, ndërsa më e larta i takon Bosnje & Hercegovinës me 55.1mg/m3.

Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.