“Harvey” godet prodhimin – Uragani “fshin” 2 milionë fuçi naftë në ditë, çmimet rriten
Çmimet e naftës në tregjet ndërkombëtare u regjistruan në rritje të ndjeshme gjatë sesionit të parë të kësaj jave, si pasojë e uraganit Harvey që ka goditur një pjesë të konsiderueshme të Texasit, që është edhe një prej zonave më të mëdha prodhuese të arit të zi në vend.
Texasi ka një kapacitet prodhues prej 5.6 milionë fuçish në ditë, dhe Louisiana prej 3.3 milionë fuçish. Si pasojë e uraganit, është ndalur prodhimin i rreth 2 milionë fuçive. Për të shmangur një mungesë të naftës, tregtarët amerikanë janë në kërkim të eksporteve, kryesisht nga Azia e veriut.
Në çelje të sesionit të sotëm, nafta bruto amerikane kuotohej pranë nivelit të 47.50 dollarëve për fuçi, në rënie me rreth 0.7% në krahasim me sesionin e fundit të javës së kaluar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.