Haxhinasto: Nuk duhet të politizohet proçesi i vaksinimit. Programi i LSI është konkret dhe i matshëm. Synon zhvillimin ekonomik të Shqipërisë
Pandemia nuk duhet të shfrytëzohet për motive politike. Ky është qendrimi i ish ministrit dhe kandidatit për deputet në qarkun e Tiranës, Edmond Haxhinasto tek sa ka folur për SCAN në emisionin “Argument”.
“Për këtë çështje kemi kërkuar transparencë. Kemi kërkuar që të mos politizohet, kemi kërkuar që gjithsësecili të kuptojë, edhe nga mazhoranca e qeveria, që çështja e shëndetit publik, e vaksinimit të popullsisë është një detyrim, një përgjegjësi publike e qeverisë, dhe në asnjë rast nuk mund të shfrytëzohet për të përfituar kredi politike apo vota” tha Haxhinasto.
Haxhinasto gjithashtu ka renditur angazhimet e LSI në programin qeverisës me të cilin kërkon besimin e qytetarëve të kryeqytetit.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.