HEC-i në kanionet e Holtës – Ministrat dëgjesë me banorët: Do të rishikohet. Banorët: Anulojeni
Punimet për ndërtimin e hidrocentralit në Kanionet e Holtës janë pezulluar përkohësisht dhe kjo do të zgjasë deri në momentin sa të vërtetohen se ato nuk e dëmtojnë mjedisin.
Kështu ka deklaruar Ministrja e Infrastrukturës dhe Energjitikës, Belinda Balluku, gjatë një dëgjesë të zhvilluar me banorët e zonës ku i pranishëm ishte edhe ministri i Turizmit, Blendi Klosi dhe deputeti socialist, Taulant Balla.
Vetëm pak pas dëgjesës, Partia Demokratike ka protestuar lidhur me situatën e krijuar në kanionet e Holtës duke kërkuar anulimin e projektit.
Për rastin në fjalë ka reaguar edhe ambasadori i BE, në Tiranë, Luigi Soreca, i cili i bëri apel qeverisë të mos lejojë ndërtimin e projekteve të tilla në zonat e mbrojtura.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.