Hera e parë në histori/ Biden ua beson komunikimin 7 grave! Zëdhënëse emërohet 41 vjeçarja Psaki me origjinë greke e polake
Joe Biden dhe Kamala Harris kanë zgjedhur 7 gra për të drejtuar komunikimin e Shtëpisë së Bardhë gjatë presidencës së tyre. Jen Psaki do të jetë zëdhënësja e Shtëpisë së Bardhë. Ajo është 41 vjeçare, me origjinë grekë dhe polake.
Gjatë mandatit të Barak Obamës ajo ka qenë zëdhënëse e Departamentit të Shtetit dhe pastaj drejtuese e komunikimit tëShtëpisë së Bardhë. Aktualisht, ajo është pjesë e ekipit që po punon për tranzicionin e pushtetit.
Veç Jen Psak, janë emëruar edhe Karine Jean-Pierre zëvëndëse e zëdhënëses, Kate Bedingfield si drejtuese e komunikimit, Pili Tobar si zëvëndësdrejtuese e komunikimit, Elizabeth Alexander zëdhënëse e zonjës së parë të ardhshme, Ashley Etienne drejtuese e komunikimit të zëvëndës-presidentes dhe Symone Sanders zëdhënëse e zëvëndës-presidentes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.