Hetimi tatimor, në terren për verifikimin e subjekteve me rrezik! Plan operacional në qendrat e qyteteve kryesore
Drejtoria e Hetimit Tatimor pranë Drejtorisë së Përgjithshme të Tatimeve, përmes strukturave të saj, ka nisur zbatimin e planit operacional për periudhën 1 nëntor -31 dhjetor 2018.
Plani operacional do të shtrihet për zbatim në qendrat e qyteteve kryesore në të gjithë territorin e vendit : Tiranë, Fier, Durrës, Elbasan, Korçë, Shkodër, Berat, Lezhë, Gjirokastër, Vlorë, Kukës, Dibër, Sarandë.
“Administrata Tatimore në asnjë rast nuk ka si qëllim ndëshkimin e tatimpaguesve, por ndërgjegjësimin e tyre për vetëdeklarimet dhe përmbushjen me korrektësi të detyrimeve tatimore. Qëllimi i zbatimit të këtij plani është parandalimi, ndërgjegjësimi, evidentimi dhe goditja e paligjshmërisë në fushën e tatim-taksave, si dhe marrja e masave administrative përkatëse ndaj shkeljeve tatimore. Fokusi kryesor i punës së strukturave hetimore do të jetë kontrolli në zonat me aktivitet të lartë ekonomik, në subjektet më të frekuentuara gjatë periudhës së festave, si dhe në tregje e transport” njoftojnë Tatimet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.