Hillary Clinton do të kandidojë sërish për Shtëpinë e Bardhë në vitin 2020, thotë ish-këshilltari

Hillary Clinton do të kandidojë përsëri për Shtëpinë e Bardhë në vitin 2020, thotë ish-këshilltari i saj Mark Penn.

Sipas tij demokratja ka “një mision të papërfunduar për të qenë presidentja e parë femër” dhe “hakmarrje personale” kundër Donald Trump, i cili u zotua të burgosë atë përpara se të dalë fitimtare në zgjedhjet e vitit 2016

“Ajo nuk do ta lejojë këtë humbje poshtëruese në duart e një amatori për t’i dhënë fund historisë së karrierës së saj”, shkroi ai në një artikull të Wall Street Journal, se bashku me ish-politikanin demokrat Andrew Stein.

Zonja Clinton ka insistuar më parë se nuk do të kërkojë të kandidojë përsëri, megjithëse muajin e kaluar ajo duket se ka ndryshuar qëndrim, duke pranuar: “Do të doja të isha presidente”.

Penn dhe Stein thanë se ish-sekretarja e shtetit “ka pasur dy vjet për të kaluar atë që ka bërë keq” në vitin 2016 dhe do të “dalë jashtë” me një strategji për të mposhtur z. Trump.

Ata shpjegojnë se së këtë herë zonja Clinton do të jetë më afër njerëzve, do mbështesë lëvizjen #MeToo, kujdesin shëndetësor universal dhe kontrollin e armëve”.

“Mos i kushtoni vëmendje deklaratave në të cilat Hillari pretendon se nuk dëshiron të kandidojë, madje edhe Klinton dhe Obama e bënë këtë deri në ditën kur ata deklaruan se donin të garonin. Ajo gjithashtu do të jetë në gjendje të hyjë më vonë, por është e sigurtë se, në një mënyrë apo tjetër, Hillari 4.0 po vjen”, shkruajnë Penn dhe Stein.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.