Hilton feston debutimin në Shqipëri me një mbrëmje gala!

Grupi prestigjoz Hilton (NYSE: HLT) celebroi dje hapjen e hotelit të parë në Shqipëri – Hilton Garden Inn Tirana.

Ceremonia Gala u zhvillua në praninë e shumë të ftuarve nga fusha të ndryshme si dhe personaliteteve të qeverisjes qendrore dhe lokale.

Kryeministri i Shqipërisë, Edi Rama, Kryetari i Bashkisë së Tiranës, Erion Veliaj, Ministri i Turizmit dhe Mjedisit, Blendi Klosi, përfaqësues të trupit të diplomatik në Shqipëri, media, përfaqësues të Grupit Hilton, institucioneve, bizneseve dhe organizatave të ndryshme, etj., festuan së bashku hapjen e hotelit më të ri në Shqipëri, Hilton Garden Inn Tirana në prag të Ditës Botërore të Turizmit.

Mbrëmja festive u kulmua me prerjen e shiritit të inaugurimit dhe përfshiu vizita nëpër ambientet e hotelit si dhe një pritje me spektër shumë të gjerë argëtimi për të pranishmit.

Në emër të grupit Hilton, përshëndeti Alexandra Murray – zëvendëspresidente e Grupit Hilton për EMEA. Z. Erdit Selmani përshëndeti në emër të kompanisë investuese Alpas 2E shp.k.

“Kjo ngjarje është kulmimi i shumë muajve bashkëpunimi dhe pune këmbëngulëse me investitorin Ali Selmani dhe autoritetet qendrore e lokale për të sjellë në Tiranë, markën e re dhe të freskët Hilton” tha Michael Walker, Drejtor i Përgjithshëm. “Është kënaqësi për ne që të mirëpresim dhe t’u shërbejmë mysafirëve tanë për shumë vite në vijim.”

TË VEÇANTAT E HILTON GARDEN INN TIRANA

-Pozicion i përshtatshëm, vetëm dy kilometra larg qendrës së qytetit dhe vendndodhjes së bizneseve.

-Pothuajse 1200 metra katrorë hapësirë për evente me pajisje moderne A/V dhe dritë natyrale

-Qendra e biznesit dhe fitnesit e hapur 24/7.

-Wi-Fi falas në të gjithë hotelin.

DHOMAT

-143 dhoma, duke përfshirë 2 dhoma të përshtatshme për persona me aftësi të kufizuara dhe 9 suita.

– Televizor HD 40 inç, hapësirë e sigurtë për vendosjen e laptopit, frigorifer i vogël dhe makineri për kafe/çaj në çdo dhomë.

USHQIMI & KOHA E LIRË

–Restorani “Olive Tree” ofron ushqime nga kuzhina tradicionale dhe lokale

-Bar Lounge me tarracë të jashtme.

-Dyqani ofron për mysafirët një varietet artikujsh.

-Qendër fitnesi e hapur 24/7.

BIZNES & AKTIVITETE

-Afërsisht 1200 metra katrorë hapësirë për evente, duke përfshirë 4 salla për mbledhje, 2 salla për argëtim, të gjitha me ndriçim natyral.

-Qendër biznesi e hapur 24/7 që ofron varietet produktesh dhe shërbimesh.

-Wi-Fi falas.

Rreth Hilton Garden Inn

Marka Hilton Garden Inn, e cila është vlerësuar me disa çmime, ofron hapësirë për bizneset dhe për argëtim, por me çmime të përballueshme dhe pajisje moderne për një qëndrim të rehatshëm. Hilton Garden Inn Promise afirmon qëllimin e markës për të bërë çdo mysafir të ndihet rehat. Kjo është e garantuar.

Anëtarët e stafit në gati 790 hotele në 38 vende të botës, sigurojnë që udhëtarët e sotëm, të cilët janë shumë të zënë të kenë një eksperiencë të mirë dhe të kënaqshme, duke filluar që nga Përshëndetja e parë.

Si një udhëheqës i njohur i F&B, Hilton Garden Inn shërben ushqime dhe pije lokale në restorantet e tij Full Service, duke përfshirë gjithçka që nga mëngjesi i gatuar në vend, kokteile artizanale dhe pjatat më në trend.

Anëtarët e Hilton Honors, të cilët do të rezervojnë direkt përmes kanaleve të preferuara Hilton, kanë qasje në përfitime të menjëhershme.

Rreth Hilton

Hilton (NYSE: HLT) është një kompani udhëheqëse globale për mikpritjen, me një portofol prej 14 markash të klasit botëror që përfshin më shumë se 5,400 prona me rreth 880,000 dhoma, në 106 vende dhe territore.

Hilton është i përkushtuar për të përmbushur misionin e saj për të qenë kompania më mikpritëse në botë duke siguruar përvoja të jashtëzakonshme – çdo hoteli, çdo mysafiri, çdo herë.

Portofoli i kompanisë përfshin Hilton Hotels & Resorts, Waldorf Astoria Hotels & Resorts, Conrad Hotels & Resorts, Canopy by Hilton, Curio Collection by Hilton, DoubleTree by Hilton, Tapestry Collection by Hilton, Embassy Suites by Hilton, Hilton Garden Inn, Hampton by Hilton, Tru by Hilton, Homewood Suites by Hilton, Home2 Suites by Hilton dhe Hilton Grand Vacations.

Kompania gjithashtu menaxhon një program besnikërie për klientët Hilton Honors. Anëtarët e Hilton Honors, të cilët rezervojnë direkt përmes kanaleve të preferuara të Hilton, kanë qasje në përfitime të menjëhershme, duke përfshirë një mënyrë fleksibël pagesash, që u lejon anëtarëve të zgjedhin saktësisht sa pikë duan të kthejnë në para, zbritje të veçanta që nuk gjenden askund tjetër dhe Wi-Fi falas.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.