Hipotezat e “La Stampa”/Kush janë kandidatët për kryeministër në Itali. Nga Mario Draghi te Giovanni Tria. Në listë edhe gjyqtarë

Në tufën e hipotezave të qeverisë, përzihen 4 letra! Pas fundit të fazës së parë të krizës, do të jetë detyrë e Presidentit të Republikës Mattarela për të vendosur se cilën letër do të tërheqë.

Dhe nuk janë votimet mundësia e vetme e parashikuar për qeverinë e ardhshme.

Hipoteza e parë është ajo e një qeverie me garanci elektorale. Sikurse shkruan “La Stampa”, bëhet fjalë për një qeveri tranzicioni, që do të kishte si objektiv të çojë vendin në zgjedhje.

Në këtë rast, përfliten emra të ndryshëm që mund të marrin detyrën e kryeministrit. Dy ish krerë të Gjykatës Kushtetuese Valerio Onida dhe Giovanni Maria Flick, por edhe ai i Giovanni Trias. Nuk përjashtohet mundësia që edhe në këtë rast të jetë sërish Giuseppe Conte që mund të marrë detyrën. Edhe pse qendra e djathtë nuk do ta aprovonte këtë mundësi.

Një qeveri e dytë ekzekutive mund të ishte ajo e “No Tax”, që qendron në detyrë deri në fund të shkurtit dhe harton buxhetin, duke respektuar parametrat europiane. Nëse do të zgjidhej kjo hipotezë, kandidati për kryeministër më i akredituar është Carlo Cottarelli.

Mundësia e tretë për presidentin italian është ajo e vendosjes së një qeverie teknike që i paraprin votimeve të majit 2020 dhe që do të kishte në program miratimin e buxhetit 2020, shkurtimin e numrit të parlamentarëve dhe amendimin e ligjit elektoral.

Në këtë rast, lista  e kandidatëve për kryeministër do të pasurohej dhe më tej e shtohen emrat e Elisabetta Casellati presidente e Senatit dhe ai i Roberto Fico. Por Mattarella mund të propozojë edhe zëvëndëspresidentin e Këshillit Kushtetues, Marta Cartabia.

Në fund, hipoteza e fundit është ajo që parashikon një marrëveshje politike dhe qeveria që është aktualisht qëndron në detyrë deri në vitin 2022, mbase me një kryeministër tjetër. Më i favorizuar në këtë rast është Mario Draghi, italiani që drejton Bankën Qendrore Europiane por që mandati i përfundon në muajin nëntor të këtij viti.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.