Hiqni dorë nga këto mite nëse dëshironi të bëheni sipërmarrës
Mendimi për t’u bërë një sipërmarrës është tërheqës për shumë njerëz, por ëndrrat shpesh ngrijnë për shkak të keqkuptimeve dhe miteve.
Këshillat e pavlefshme nga individë të pakualifikuar, supozime të drejtpërdrejta dhe pasaktësitë në media I ndalon sipërmarrësit e rinj dhe i step nga kjo rrugë.
Më poshtë do të gjeni 5 mitet që qarkullojnë më së shumti kur bëhet fjalë për sipërmarrjen por që në fakt nuk janë aspak të vërteta.
- Ju duhet të lindni sipërmarrës
Shumë sipërmarrësin lindin me ndjesitë e të bërit biznes por kjo nuk është domosdoshmërisht e nevojshme. Sipërmarrës nuk lind por bëhesh. Mjafton të kesh një ide të mirë e të qartë dhe ta vësh atë në zbatim. Mos u dekurajoni kur dikush t’ju thotë se nuk bëheni dot sipërmarrës pasi kjo nuk është e vërtetë. Gjithkush mund të bëhet gjithçka, mjafton të ketë idenë, forcën e vullnetin.
- Ju nevojiten shumë para për të hapur një biznes
Të kesh një kapital të mjaftueshëm për të hapur një biznes është një gjë mjaft e mirë e cila padyshim të ndihmon të ecësh përpara por kjo nuk është domosdoshmërisht e nevojshme, pasi mjaftojnë pak para për të ngritur biznesin tuaj e më pas mund të kërkoni për investitorë që ta financojnë atë.
- Ju keni nevojë për një ide plotësisht unike në mënyrë që të jetë e suksesshme
Ndonjëherë idetë më të mira nuk janë ato uniket por ato të cilat janë pjesë e një produkti apo shërbimi ekzistues. Nuk nevojitet domosdoshmërisht të shpikni rrotën ju thjesht duhet ta bëni produktin ekzistues më të mirë. Rasti i Uber e shërben këtë më së miri. Taksitë kanë ekzistuar edhe përpara, Uber nuk shpiku transportin por e bëri atë më të mirë.
- Duhet të ndërmerrni shumë rreziqe
Të jesh një sipërmarrës nuk do të thotë të ndërmarrësh çdo risk të mundshëm pasi këtë bëjnë të gjithë sipërmarrësit. Kjo nuk është aspak e vërteta. E vetmja e vërtetë lidhur me këtë është fakti që sipërmarrësit duhet të ndërmarrin risqe atëherë kur vlerësojnë se duhet dhe se humbasin më shumë nëse nuk e ndërmarrin atë risk. Mos lejoni që idetë e kota e të paqarta t’ju konfuzojnë e ta lënë ëndrrën tuaj për t’u bërë një sipërmarrës në sirtar.
- Duhet të keni shumë lidhje
A ndihmojnë lidhjet dhe personat që ju njihni? Sigurisht që po! Por mos lejoni që një mungesë e kontakteve t’ju lërë pa realizuar ëndrrën tuaj sipërmarrëse. Nuk duhen vetëm kontaktet për të patur sukses në sipërmarrjen tuaj. Nëse keni një etik të mirë pune, vullnet dhe dëshirë për të realizuar ëndrrën tuaj sigurisht që do të arrini të keni sukses.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.