Homebase do të mbyllë 42 dyqane, duke rrezikuar 1.500 vende pune

Zinxhiri  i dyqaneve Homebase konfirmon se do të mbyllë 42 dyqane, duke vënë në rrezik 1.500 vende pune. Shitësi me pakicë po mbyll një të pestën e rrjetit të 250 dyqaneve, si pasojë e marrëveshjes vullnetare të komapanisë (CVA), e cila është një procedurë drejt falimentimit e përdorur nga firmat më të vështira për të mbyllur dyqanet të cilat kishin performancën më të ulët.

Ekspertët e ristrukturimit në Alvarez & Marsal do të kryejnë CVA, e cila do të kërkojë mbështetjen e pronarëve. Njoftimi zyrtar u bë e ditur nga kompania ditën e Martë. Ristrukturimi i fundit do të vijë në krye të një programi të mbylljes së dyqanit që shitësi ka kryer që nga shkurti. Një total prej 17 dyqanesh Homebase janë mbyllur këtë vit dhe biznesi gjithashtu ka mbyllur 303 vende pune në zyrën e saj qendrore në Milton Keynes.

Homebase mund të shohë disa rezistencë nga pronarët në CVA, me industrinë e pronës duke shprehur përbuzje për procedurën, duke thënë se i lë ato jashtë xhepit. CVAs janë miratuar nga një mori shitësish përfshirë New Look, Carpetright dhe Mothercare.

Mbylljet e dyqaneve Homebase ndjekin shitjen e biznesit në fillim të këtij viti nga ish-pronari i saj australian, Wesfarmers, tek Hilco, një specialist i shitjes me pakicë, për £ 1. Homebase u ble nga Wesfarmers për 340 milionë dollarë  në vitin 2016.

Wesfarmers është i njohur për zinxhirin e saj Bunnings në Australi dhe ka tentuar të importojë markën e përmirësimit të shtëpisë në Mbretërinë e Bashkuar duke konvertuar një mori të dyqaneve Homebase në formatin Bunnings. Megjithatë, strategjia përfundoi në katastrofë. Para marrjes së Hilco, Homebase kishte 250 dyqane duke arritur kulmin e saj dhe 12,000 staf.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.