Hotelet me 4 dhe 5 yje – Rama: Sjellin më shumë para që ndikojnë në rritjen rrogave dhe në punësim
Është rritur interesi i investitorëve për ndërtimin e hoteleve me 4 dhe 5 yje pas lehtësirave fiskale të ndërmarra nga qeveria. Deklarata ka ardhur nga kryeministri, Edi Rama gjatë një bashkëbisedim me operatorët turistikë në një nga hotelet më të reja në Durrës.
Sipas tij, këto hotele do të sjellin më shumë para që do të ndikojnë në rritjen e pagave si dhe në punësim.
“Hotelet me 4 dhe 5 yje na sjellin një numër turistësh që është më i vogël se sa hotelet e tjera, por kjo na sjell më shumë para që do të ndikojnë në rritjen e rrogave dhe punësimin real.”
Ndërkohë, duke u ndalur më tej te imazhi i Shqipërisë, që sipas tij edhe pse është i vështirë për ta ndryshuar, shprehu bindjen se do të përmirësohet me ngritjen e këtyre strukturave akomoduese me emra si në gjithë Mesdheun.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.