Hotelet në jug nën shënjestrën e tatimeve – Vijojnë bllokimet në Ksamil dhe Himarë

Kontrollet e administratës tatimore këtë sezon turistik kanë një vëmendje të veçantë në subjektet e paregjistruara që ushtrojnë aktivitet në sektorin e turizmit. Drejtoria e Hetimit Tatimor, Rajoni Jugor, është duke zhvilluar verifikime të detajuara në Sarandë, Ksamil, Himarë, Dhërmi, etj., me qëllim reduktimin e informalitetit.

Pas kontrolleve të ushtruara, strukturat hetimore kanë marrë masën e bllokimit të aktivitetit për 9 hotele të paregjistruara, si dhe për dy biznese në Ksamil e Sarandë për moslëshimin e kuponit tatimor për herë të dytë.

Për hotelet, bllokimi do të qëndrojë në fuqi deri në regjistrimin e tyre si subjekte me TVSH. Vetëm një javë më parë, tatimet raportonin bllokimin e 7 subjekteve të tjera të paregjistruara në zonat bregdetare. Bllokimet e aktivitet kanë përfshirë edhe restorantet e lokalet.

Kontrollet do të vijojnë përgjatë gjithë sezonit veror, ndërsa administrata tatimore bën thirrje për tatimpaguesit në zonat turistike të respektojnë detyrimet ligjore si për turistët vendas, ashtu edhe për ata të huaj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.