Xhaçka: “Magnituda ne trend rënës. Nëse shtëpia juaj është e dëmtuar, mos bëni ekspertin, prisni ekspertizën e specializuar”
Ministrja e Mbrojtjes Olta Xhaçka, gjatë një dalje për mediat tha se fuqia e pasgoditjeve ka një trend të dukshëm zbritës, dhe se të gjitha këto janë shenja që situatës sizmike po i vjen fundi. Në fjalën e saj ajo u shpreh se dëmet kanë qenë dhe vazhdojnë të jenë masive si në jetë njerëzish që është edhe më rëndësishmja ashtu edhe në dëme materiale si shtëpi dhe banesa, por sot kur operacioni i kërkim shpëtimit po vjen drejt fundit, prioriteti i Ministrisë është të gjejmë strehim, ushqim dhe veshmbathje për çdo qytetar të mbetur të pastrehë.
Gjithashtu ajo u bëri apel qytetarëve që nëse shtëpitë e tyre janë të dëmtuara, të mos bëjnë ekspertin vetë por të presin ekipet e specializuara të vendosura nga shteti për këtë detyrë të posaçme. “Ju lutem mos qëndroni në banesat tuaja nëse janë të dëmtuara por largohuni dhe drejtohuni tek strukturat akomoduese të vëna në dispozicion.”, tha ajo.
Sipas Xhaçkës, sot ka nisur vlerësimi i rrezikshmërisë së banesave në gjendje riksu nga ekipe me ekspertizë shqiptare dhe të huaj, dhe se ky proces pritet të realizohet në kohë sa më të shkurtër të jetë e mundshme.
Ajo shoti se më konkretisht po asistohen banorët në kampingjet e ngritura në Thumanë, Durrës, Ishëm, Fushë Krujë, Bubq, Marikaj, Shijak, Laç, Rrogozhinë, Tiranë, Vorë, Kurbin dhe Kamëz. ‘Sot mbi 4 mijë banorë e kanë të pamundur tu rikthehen banesave të tyre, të cilat janë tashmë të pabanueshme ose e kanë psikologjikisht të pamundur të rikthehen tek to”, u shpreh ministrja.
Së fundmi ajo shtoi se janë duke funksionuar edhe guzhinat fushore në Thumanë dhe Bubq ndërsa në zonat rurale janë shpërndarë rreth 1 mijë çadra banimi. Por ajo theksoi se zgjidhja e çadrave është për fazën emergjente, pasi më vonë do të punohet intensivisht për ti larguar të gjithë banorët nga zonat e çadrave për në zona me kushte me optimale sikurse u veprua me banorët e qytetit të Durrësit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.