Huawei – Kompania ‘optimiste’, shpreson të arrijë 100 mld USD të ardhura për 2018

Të ardhurat e Huawei për vitin 2018 do të kalojnë 100 miliardë dollarë për herë të parë. Deklarata ka ardhur nga Eric Xu, zëvendëskryetar i Bordit të kompanisë, sipas të cilit biznesi po rritet më tepër nga sa ishte parashikuar.

“Nuk ka asnjë problem që ne mund të arrijmë 100 miliardë dollarë”, deklaroi Xu, ndërsa nuk specifikoi se çfarë kishte ndikuar në rritjen e të ardhurave.

Huawei ka gjeneruar 325.7 miliardë juanë të ardhura për gjashtë muaj t e parë të këtij viti, ose rreth 49 miliardë dollarë, sipas kursit të këmbimit në fund të asaj periudhe. Ndërkohë, për vitin 2017, kompania kineze raportoi të ardhura me vlerë 92.5 miliardë dollarë.

Rritja deri më tani është nxitur nga performanca e fortë e një sërë biznesesh, veçanërisht në sektorin e konsumit, i cili ka vazhduar të rritet.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.