Huawei prezanton “Honor 20” – Telefoni me 4 kamera vjen pak ditë pas kufizimeve në SHBA
Gjiganti kinez i teknologjisë, Huawei, prezantoi telefona të rinj pak ditë pasi Shtetet e Bashkuara lajmëruan barriera për produktet e kompanisë. Seritë e reja Honor 20 kanë karakteristika të teknologjisë si 4 kamera dhe skaner të gjurmëve të gishtave në anë të telefonit. Çmimet për Honor 20 dhe Honor 20 Pro janë 499 dhe 599 në mënyrë respektive.
Sipas ekspertëve, telefoni i ri ofron shumë karakteristika me një çmim të përballueshëm. Eventi i prezantimit të smartphonit të ri u mbajt pak ditë pasi qeveria e Shteteve të Bashkuara ndaloi firmën kineze që të përdorë teknologjinë amerikane, ç’ka nënkupton se pajisjet Huawei nuk kanë më të drejtë për të aksesuar shërbime bazë Android nga Google. Sipas ekspertëve, nëse Google heq licencën, një pjesë thelbësore e pajisjeve do të largohet, pasi nuk ka prova që Huawei të ketë përgatitur diçka që konkurron Android.
Duke i’u drejtuar shqetësimeve, Huawei bëri të ditur se kompania është përgatitur për kufizimet e SHBA që prej vitit 2012 dhe se janë pranë zhvillimit të një sistemi operues të vetin, që mund të prezantohet këtë Vjeshtë. Ndërkohë që ka dërguar 59 milionë telefona në tremujorin e parë 2019, Huawei synon të kthehet në prodhuesin më të madh të smartphonave brenda vitit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.