Humbjet ligjore të Goldman – Rreth 2 mld dollarë më shumë se rezervat
Goldman Sachs tha se pret që humbjet në lidhje me paditë e vazhdueshme të jenë rreth 1.9 miliardë dollarë më shumë se paratë që ka lënë me një anë për çështje ligjore.
Në shtator, banka e investimeve pati humbje që shkonin 1.8 miliardë dollarë më shumë se rezerva e saj. Banka nuk dha detaje specifike se pse u rrit vlerësimi i humbjes. Shuma konsiderohet një zë kontabël i veçantë nga rezervat ligjore dhe mbulon të gjitha çështjet që konsiderohen “në mënyrë të arsyeshme të mundshme”.
Përveç padive që Goldman po përballet tashmë, banka është duke u hetuar nga autoritetet malajziane dhe Departamenti Amerikan i Drejtësisë për rolin e tij si sigurues dhe rregullues i tre shitjeve të obligacioneve që ngritën 6.5 miliardë dollarë për Zhvillimin e 1Malaysia Berhad (1MDB). Qeveria malajziane tha se ishte duke kërkuar deri në 7.5 miliardë dollarë dëmshpërblime nga Goldman lidhur me marrëdhëniet e saj me 1MDB.
Banka vendosi 844 milionë dollarë për dispozitat e saj ligjore dhe rregullatorë vitin e kaluar, më shumë se katër herë atë që ajo vendosi në vitin 2017, megjithëse nuk përcaktoi qëllimin.
Burimi:Reuters
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.